మనమందరమూ పాపాలు చేస్తూనే ఉంటాము. అయితే తమకు తెలియకుండా ఘోరమైన పాపాలు చేసేవారు ఎందరు ? ఈ ఉపన్యాసంలో షేఖ్ అబ్దుల్ రహీమ్ గ్రీన్ కొన్ని ఘోరపాపాల గురించి మనకు వివరిస్తున్నారు. వాటిలో సరైన జ్ఞానం లేకుండా అల్లాహ్ గురించి మరియు ఆయన ధర్మం గురించి మాట్లాడటం కూడా ఒకటి. ఇది షిర్క్ కంటే ఘోరమైన పాపమని కొందరు పండితుల అభిప్రాయం. ఈ అభిప్రాయం వెనుకనున్న కారణాలను షేఖ్ అబ్దుల్ రహీమ్ గ్రీన్ చర్చించారు. తరుచుగా నిర్లక్ష్యం చేయబడే ఇతర ఘోరపాపాలలో అహంకారం, గర్వం, దైవవిశ్వాసులకు విరుద్ధంగా అవిశ్వాసులకు సహాయం చేయడం, మ్యాజిక్ మరియు భవిష్యత్ గురించి జాతకం, సోది వంటివి చెప్పడం, షో ఆఫ్ మరియు ధర్మంలో నూతన కల్పితాలు మొదలైనవి కూడా ఉన్నాయి.

పౌరాణిక మరియు చారిత్రక జీసస్ అలైహిస్సలాం గురించి అబ్దుల్ రహీమ్ గ్రీన్ ఇచ్చిన ఒక అద్భుత ఉపన్యాసం. ఎలా పౌరాణిక, కల్పిత జీసస్, ట్రినిటీ సిద్ధాంతాలు, ఒరిజినల్ పాపం మొదలైన విషయాలు ప్రచారంలోనికి వచ్చాయి మరియు తొలికాలపు క్రైస్తవులు ఎలా జీసస్ యొక్క మరణం మరియు పునరుత్థానం గురించి పట్టించుకోలేదు అనే వాటి గురించి కూడా వివరించారు. ఈ ఉపన్యాసంలో పేర్కొన్న సమాచారం ఎక్కువగా క్రైస్తవ పండితుల నుండి మరియు చరిత్రకారుల నుండి సేకరించబడింది.

ముస్లింలు మరియు క్రైస్తవులు ఎంతో గౌరవించే మహాపురుషుడు జీసస్. షేఖ్ అబ్దుల్ రహీమ్ గ్రీన్ అనేక సంవత్సరాలుగా జీసస్ గురించి అసలు సత్యం ఏమిటి అనే విషయంపై క్షుణ్ణంగా పరిశోధించారు. ఈ ప్రజెంటేషన్ లో ఆయన చాలా చక్కగా జీసస్ గురించి ప్రచారంలో ఉన్న అనేక అపోహలను, అపార్థాలను స్పష్టంగా వివరించారు.

ముస్లింల సామర్ధ్యం గురించి చక్కగా వివరించబడింది.

దీన్ షో నుండి ఒక ఆసక్తికరమైన కార్యక్రమం. దీనిలో అల్బేనియన్లు మరియు బోస్నియన్లు తెలుసుకోవలసిన కొన్ని ధర్మప్రచార పాఠాలను షేఖ్ ష్పెండిమ్ నద్జాకూ పేర్కొన్నారు. నేషనాలిటీ లేదా ధర్మానికి మధ్య ఎలాంటి వైరుధ్యం లేదని ఆయన స్పష్టం చేసినారు. తల్లిదండ్రులు తమ పిల్లలను ధర్మప్రచారంలో పాల్గొనేలా ప్రోత్సహించాలని ఆయన స్పష్టం చేసినారు.

దివ్యగ్రంథాలనే మార్చివేసిన పాపాత్ములు - పాఠకులు ఎన్నడూ దానిని తెలుసుకోలేరు

ఈ భాగంలో డాక్టర్ జాకిర్ నాయక్ ఒకవేళ లేబుల్ మీ ఉద్దేశ్యాన్ని చూపుతున్నట్లయితే, దానిని ధరించండి అనే అంశంపై చర్చిస్తూ, ముస్లింలు తమ ధర్మాచరణలు వీలయినంత ఉత్తమంగా ఆచరించాలనే పిలుపు ఇచ్చారు.

బైబిల్, తౌరాహ్ మొదలైన వివిధ ప్రపంచ ధర్మ గ్రంథాలు ప్రవక్త ముహమ్మద్ సల్లల్లాహు అలైహి వసల్లం గురించి ఏమంటున్నాయి ? - ప్రవక్త ముహమ్మద్ సల్లల్లాహు అలైహి వసల్లం గురించి హిందూ ధర్మ గ్రంథాలలో ప్రస్తావించబడిందా ? బైబిల్ లో ఎక్కడ ముహమ్మద్ పేరు ఉన్నది ? ఈ ప్రశ్నలకు డాక్టర్ జాకిర్ నాయక్ గారి ఈ ప్రసంగంలో జవాబు లభిస్తుంది. వివిధ ప్రపంచ మత గ్రంథాలలో ముహమ్మద్ సల్లల్లాహు అలైహి వసల్లం యొక్క ప్రస్తావన గురించి ఆయన ఇక్కడ వివరంగా చర్చించారు.

ఈ భాగంలో డాక్టర్ జాకిర్ నాయక్ ఇస్లాం ధర్మం పరిష్కరిస్తుందే గానీ సమస్యలను పెంచదు అనే ముఖ్య విషయాన్ని వివరించారు. దీనిలో ఆయన ఇస్లాం నిర్వచనం మరియు బోధనలు, సన్మార్గంలో నడిచిన పుణ్యపురుషుల మార్గంలో నడవమని ముస్లింల కొరకు మరియు ముస్లిమేతరుల కొరకు సందేశం .

ఈ భాగంలో డాక్టర్ జాకిర్ నాయక్ మరియు ఇతర ఇస్లామీయ పండితులు సైన్సు వెలుగులో ఖుర్ఆన్ మరియు బైబిలు గురించి వివరించారు. పఠనం, చరిత్ర, అర్థం చేసుకోవడం మరియు ఆచరరించడం మొదలైన వాటితో సంబంధం ఉన్న విద్య ఉలూమ్ అల్ ఖుర్ఆన్ అంటే ఖుర్ఆన్ విజ్ఞాన శాస్త్రం. ఇస్లామీయ విద్య చాలా విస్తారమైనది. ఎవరైనా దాని ప్రాధాన్యత గుర్తించగలరు.

షేఖ్ ఖాలిద్ యాసిన్ ఇచ్చిన చాలా ఆసక్తికరమైన ఉపన్యాసం. ఖుర్ఆన్ మరియు సున్నతుల వెలుగులో ఆయన ముస్లిం మహిళలకు అనేక సలహాలు ఇచ్చినారు.

పాశ్చాత్య దేశాలలో నివశించే ముస్లింల కోసం ఈరోజుల్లో ధర్మప్రచారం యొక్క ప్రాముఖ్యత రోజు రోజుకీ పెరిగి పోతున్నది. ఇస్లాం మరియు ముస్లింలపై జరుగుతున్న అసత్య ప్రచారంలోని వాస్తవాలు ప్రజలకు తెలియజేయడానికి, మన ఇస్లామీయ జ్ఞానం పెంచుకోవలసిన సమయం వచ్చేసింది. తద్వారా ప్రజలలోని అపోహలను, అపార్థాలను దూరం చేసేందుకు ప్రయత్నించగలం - వారు మన ఇరుగు పొరుగు వారైనా, సహోద్యుగులైనా లేక తోటి విద్యార్థులైనా. ఈ ఉపన్యాసంలో షేఖ్ ఖాలిద్ యాసిన్ ధర్మప్రచారంలోని అనేక ముఖ్యాంశాలు మరియు ధర్మప్రచారంలో ఎదురయ్యే వివిధ సందర్భాల గురించి చర్చించారు.

ప్రతి కట్టడానికి దాని నిర్మాత ఉన్నాడు. కాబట్టి కామన్ సెన్స్ మరియు లాజిక్ ద్వారా, ఈ మొత్తం సృష్టి కూడా తప్పకుండా ఒక సృష్టికర్తను కలిగి ఉండాలి. మహాద్భుత డిజైన్ లేకుండా ఈ విశాల విశ్వం మరియు అందులోని ప్రతిదీ ఏదోలా ఉనికిలోనికి రాలేదు. దీని గురించి ఖుర్ఆన్ లో అల్లాహ్ ఇలా ప్రకటిస్తున్నాడు, "నిశ్చయంగా, భూమ్యాకాశాల సృష్టిలో మరియు రాత్రింబవళ్ళు ఒకదాని వెంట మరొకటి రావడంలో పరిశీలించే వారి కోసం ఎన్నో సూచనలు ఉన్నాయి" ఖుర్ఆన్ 4:190

మాతృగర్భంలోని పిండం నుండి మొదలై, క్రమక్రమం జరిగిన మహాద్భుత మానవ జీవిత సృష్టి గురించి షేఖ్ ఖాలిద్ యాసిన్ చాలా చక్కగా వివరించారు. ఆశ్చర్యకరమైన విషయం ఏమిటంటే, దివ్యఖుర్ఆన్ లో ఈ పిండోత్పత్తి దశలన్నీ ఎంతో ఖచ్చితంగా పేర్కొనబడినాయి. వాటిని ఆధునిక విజ్ఞాన శాస్త్రం ఈ మధ్యనే కనిపెట్టబడిన ఆధునిక పరికరాల సహాయంతో కనుగొనగలిగింది. సర్వలోక సృష్టికర్త అయిన అల్లాహ్ ఎంతో ఘనమైనవాడు. మాతృగర్భంలోని పిండోత్పత్తి దశలు, ప్రపంచంలో చివరి శ్వాస పీల్చడం మరియు మరలా భూగర్భలో ప్రవేశించడం అంటే సమాధిలో ఉంచబడటం వరకు సంభవించే అనేక దశలు ఆయన వివరించారు. చావు తర్వాత జరగబోయే సంఘటనలు, పరలోక విషయాలు, ప్రతి ఆత్మ చిట్టచివరికి అంతిమ తీర్పుదినాన్ని ఎదుర్కొనవలసి ఉందనే సత్యం ... ఇవన్నీ ఆయన చక్కగా విశదీకరించారు.

విశ్వసృష్టి మరియు మనం నివశిస్తున్న ఈ మహాద్భుత ప్రపంచం, అది ఎలా ఉనికిలోని వచ్చింది అనే విషయాలపై షేఖ్ ఖాలిద్ యాసన్ లోతుగా చర్చించారు. ఆయన తనదైన ప్రత్యేక శైలిలో చేసిన లాజికల్ ఆర్గుమెంట్లు వీటి గురించి ప్రశ్నించే అనేక మంది ప్రశ్నలకు వివేకవంతమైన సమాధానాలు ఇస్తున్నది.

ఈ ఉపన్యాసంలో షేఖ్ ఖాలిద్ యాసిన్ ముఖ్యంగా యువతపై దృష్టి కేంద్రీకరించారు. ఏకైక ఆరాధ్యుడైన అల్లాహ్ పై విశ్వాసం మరియు ఎక్కడున్నా ఆయనపై భయభక్తులు చూపే సన్మార్గం వైపు వారిని తీసుకువెళ్ళటానికి ప్రయత్నించారు. స్వయంగా తమను తాము చక్కదిద్దుకునే మార్గాల గురించి ఆయన మంచి సలహాలు ఇచ్చారు.

ముస్లింలుగా మనకు ఎన్నో సందర్భాలలో ధర్మప్రచారం చేసే అవకాశం లభిస్తుంది, కానీ మనలో చాలా మంది ఆ అవకాశాన్ని సద్వినియోగం చేసుకోరు. ఎందుకు ? సత్యాన్ని ప్రచారం చేయడమంటే భయపడుతున్నామా, మనకు సరైన ధార్మిక జ్ఞానం లేదా, స్వయంగా మనకే ఎవరైనా ధర్మప్రచారం చేయవలసిన స్థితిలో దిగజారిపోయామా ? అల్లాహ్ అనుజ్ఞతో, ధర్మప్రచారంలో అడుగు ముందు వేయకపోవడానికి ఇక మన వద్ద ఏ కారణమూ మిగల లేదు. ఎందుకంటే, అల్లాహ్ అనుగ్రహంతో డైరక్టుగా ముస్లిమేతరులను ఇస్లాం ధర్మం వైపు ఆహ్వానించడంలో ప్రసిద్ధుడు, అనేక వేల మంది ఇస్లాం స్వీకరించేందుకు ముఖ్య కారణంగా మారిన ఇస్లామీయ ధర్మప్రచారకుడు షేఖ్ ఖాలిద్ యాసిన్ తన తెలివితేటలు, వివేకం, నైపుణ్యాలు మరియు తన విజయం వెనుకనున్న దృఢసంకల్పం ... మొదలైన ముఖ్యాంశాలన్ని చక్కగా వివరించారు.

నీవెన్నడూ చావును తప్పించుకోలేవు. ఏదో ఒక రోజున నీవు చనిపోవలసిందే. చావు గురించి షేఖ్ ఖాలిద్ యాసిన్ ఇచ్చిన చాలా గొప్ప ప్రసంగం ఇది.

ఈ వీడియోలో మూసా అలైహిస్సలాం వృత్తాంతం ఆధారంగా ఖుర్ఆన్ యొక్క మహాద్భుత స్వభావం గురించి చర్చించబడింది.

ముస్లిం సమాజంలో హద్దుమీరి పోతున్న యువత, జాత్యహంకారం మరియు అలాంటి మరికొన్ని ఇతర సమస్యల గురించి షేఖ్ ఖాలిద్ యాసన్ చర్చించారు.

ఈ ఉపన్యాసంలో అల్లాహ్ మరియు ఆయన ప్రవక్తపై ప్రేమాభిమానాలు, విధేయత చూపిన అనేక గొప్ప సహాబాలు, పుణ్యపురుషుల ఉపమానాలను షేఖ్ ఖాలిద్ యాసిన్ ఉదహరించారు. తమ స్వంత జీవితం, కుటుంబం లేదా సంపదల రూపంలో వారు చేసిన త్యాగం ఎంతో ఆశ్చర్యకరమైనది. మనం అల్లాహ్ ను మరియు ఆయన ప్రవక్త సల్లల్లాహు అలైహి వసల్లంపై చూపే ప్రేమాభిమానాలు, విధేయతల గురించి దర్శకులను ఆలోచనలలో పడవేస్తుంది.

అపనిందలు మోపడంలో అన్ని హద్దులు అతిక్రమిస్తున్న విషయాన్ని మామూలుగా మీడియా చూస్తున్న ప్రతి ఒక్కరూ తేలిగ్గా గుర్తించగలరు. టివీలు, పత్రికలు, వార్తాపత్రికలు, రేడియో స్టేషన్ల నుండి బిల్ బోర్డులు వరకు, మన యువత ముందుకు వస్తున్న విషయాలు చాలా భయంకరమైనవి, గంభీరమైనవి. హింస, అరాచకత్వం, డ్రగ్స్, సెక్స్ మొదలైనవన్నీ బహిరంగంగా చూపడంలో మీడియోకు అసలు సిగ్గు లేదని అర్థం చేసుకోగలం. దీని ప్రభావం నుండి కాపాడుకోవడానికి ముస్లిం సమాజం తప్పకుండా తమ స్వంత మీడియాను ఏర్పాటు చేసుకోవలసిన అవసరం ఎంతైనా ఉంది. రాబోయే కాలంలో ముస్లింలు నెలకొల్పనున్న టీవీ మరియు రేడియో స్టేషన్ల గురించి షేఖ్ ఖాలిద్ యాసిన్ చక్కగా వివరించారు.

తల్లిగా, భార్యగా మరియు సమాజంలోని స్త్రీలుగా ముస్లిం మహిళలు తమ దైనందిన జీవితంలో ఎదుర్కొనే అనేక అంశాల గురించి ఈ ఉపన్యాసంలో షేఖ్ ఖాలిద్ యాసిన్ చర్చించారు. ఖుర్ఆన్ మరియు సున్నతుల వెలుగులో వాటిని విజయవంతంగా ఎలా ఎదుర్కొనాలి అనే దానిపై మంచి సలహాలు ఇచ్చారు.

కొందరు ముస్లింలనబడే వారి ఆచరణలే ఇస్లాం ధర్మం అనే అభిప్రాయం ప్రజలలో కలిగేటట్లు మీడియా ప్రయత్నిస్తున్నది. తద్వారా మొత్తం ధర్మాన్నే సమాజానికి నష్టం కలిగించే ధర్మంగా చిత్రీకరిస్తున్నది. అసలు ఇస్లాం ధర్మం అంటే ఏమిటి, దాని మూలసిద్ధాంతాలు ఏవి అనే విషయాలపై దర్శకులకు సరైన అవగాహన కలిగేటట్లు షేఖ్ ఖాలిద్ యాసిన్ ప్రయత్నించారు. దీనిని చూసిన దర్శకులు ఇస్లాం ధర్మంపై మోపబడుతున్న అపవాదులను పూర్తిగా అర్థం చేసుకునే అవకాశం ఉంది. ఇస్లాం ధర్మం గురించి సరిగ్గా అర్థం చేసుకోవాలని ప్రయత్నించే ముస్లిమేతరుల కోసం ఇది ఎంతో ప్రయోజనకరమైన ఉపన్యాసం.

ఇది షేఖ్ మోతశిమ్ అల్ హమీదీ నుండి వెలువడిన ఒక మంచి సీరీస్. దీనిలో ఆయన సర్వలోక సృష్టికర్త మరియు ప్రభువు అయిన అల్లాహ్ ను గురించి మరియు ఆయనకు సంబంధించిన మరిన్ని విషయాలు అర్థం చేసుకోవడం కోసం మన వివేకం, తెలివితేటలను ఉపయోగించ వలసిన ఆవశ్యకతను గురించి ఆయన వివరించారు.