زیر نظرویڈیو میں اختصارکے ساتھ یہ ذکر کیا گیا ہے کہ کس طرح عورت زمانہ جاہلیت اوردیگرمذاہب میں ظلم وستم کا نشانہ بنائی گئی،لیکن مذہب اسلام نے آکر اس کے مقام کو بلند کیا،اس کی عزّت وتکریم کی،اوراسے زندگی کے تمام جائز حقوق عطا کئے۔اوردنیا کی سب سے بہترین پونجی قراردی۔ لیکن عورت اپنے حق سے ناواقف ہے،اورمیڈیا کی غلط پروپیگنڈہ کا شکارہوکرآج بھی اپنے حق سے محروم اورجگہ جگہ ماری پھرتی ہے۔۔

زیرنظرویڈیومیں محمد اشفاق سلفی حفظہ اللہ(مقرر:پیس ٹی وی اردو) نے توحید کا معنیٰ ومفہوم،اوراس کی قسموں کو اختصارکے ساتھ بیان کیا ہے،اورپھرتوحید سےمتعلق اہم شبہات کا تذکرہ کرکے ان کا علمی ومسکت جواب دیا ہے۔ نہایت ہی مفید اوراہم بیان ہے ضرورمستفید ہوں۔

زیر نظرویڈیو میں شیخ سید معراج ربانی حفظہ اللہ نے واقعہ کربلا کا پس منظراوراس کی حقیقت کو تفصیل سے بیان کرنے کے ساتھ بعض نام نہاد اہل سنت والجماعت ،اورشیعہ وروافض کی جانب سے ماہ محرّم وعاشوراء کے موقع پر انجام دی جانے والی بدعات ومنکرات وشرکیہ امور سے پردہ اٹھا کر ان سے بچنے کی تلقین کی ہے۔

زیر نظر ویڈیو میں شیخ سید معراج ربانی حفظہ اللہ نے سال ہجری کی ابتدا کا پس منظراوراس سے مستنبط اہم دروس کا تذکرہ کرکے ماہ محرّم اوریوم عاشوراء کے فضائل اوراس میں کئے جانے والے جائزومستحب اعمال کو بیان کیا ہے، نیز ماہ محرّم اوریومِ عاشوراء کے موقع پر بعض نام نہاد مسلمان،اورشیعہ وروافض کی طرف سےانجام دی جانے والی بدعات ومنکرات اورشرکیہ امورسے پردہ اٹھا کران سے بچنے کی نصیحت فرمائی ہے۔

زیرنظرویڈیو میں یہ واضح کیا گیا ہے کہ عرفہ کے دن کا روزہ رکھنے میں ہرملک والے اپنے یہاں کی چاند کی رویت کا اعتبار کریں گے نہ کہ مکہ یا حرمین کی رویت کا۔

زیر نظر ویڈیو میں،قربانی کا صحیح مفہوم،اس کی اہمیت،وفضیلت،اوراس کے احکام ومسائل کو کتاب وسنت کی روشنی میں اختصار سے بیان کیا گیا ہے

زیرنظر ویڈیو میں یہ بیان کیا گیا ہے کہ قربانی انبیاء کرام کی سنت ہے،اور اس کا وجود بشریت کے وجود سے ہی ہے۔اسی طرح یہ مالی عبادت ہے جو غیراللہ کے لیے جائز نہیں ہے،نیزقربانی کی فضیلت، قربانی کا وقت،قربانی کے جانور کے اوصاف، قربانی کی دعا، میت اور نبیﷺ کی طرف سے قربانی کا حکم،عقیقہ کو قربانی کے ساتھ جمع کرنا وغیرہ جیسے اہم مسائل کو اختصار کے ساتھ بیان کیا گیا ہے

"[۱] قربانی اصل میں زندوں کی طرف سے مشروع ہے کیونکہ نبی صلی اللہ علیہ وسلم اور صحابہ کرام اپنی طرف سے اور اپنے اہل بیت کی طرف سے قربانی کرتے تھے لہذا بعض لوگوں کا اپنی طرف سے قربانی نہ کرکے مردوں کی طرف سے قربانی کرنا خلاف سنت ہے، البتہ یہ ہوسکتا ہے کہ اپنی قربانی کے اجر میں جس کو چاہے شریک کرے جس طرح نبی صلی اللہ علیہ وسلم نےکیا ہے
[۲] مردوں کی طرف سے مستقل قربانی کی جاسکتی ہے یا نہیں ؟
اس سلسلے میں اہل علم کا اختلاف ہے، البتہ راجح قول یہ ہے کہ میت کی طرف سے صدقہ کی نیت سے قربانی کی جاسکتی ہے ، امام ابن تیمیہ ، سعودیہ کے دائمی کمیٹی اور بہت سے علماء اہل حدیث کا یہی مسلک ہے ، کیونکہ قربانی مالی عبادت ہے اور مالی عبادت کا ثواب میت کو پہنچتا ہے ۔ واللہ اعلم ۔
البتہ ضروری ہے کہ میت کی طرف سے قربانی کرنے والا پہلے اپنی طرف سے اور اپنے اہل بیت کی طرف سے قربانی کرے پھر اگر چاہے تو میت کی طرف سے قربانی دے سکتا ہے ، البتہ اگر میت وصیت کرکے جارہا ہے اور اس کے لئے کوئی وقف چھوڑ کر جارہا ہے تو اس کی طرف سے قربانی واجب ہوگی ۔
[۳] بہت سے لوگ اللہ کے رسول صلی اللہ علیہ وسلم کی طرف سے قربانی کرتےہیں ، یہ عمل بھی بلا دلیل اور صحابہ و علماء کے خلاف ہے ، نبی کریم صلی اللہ علیہ وسلم کی اطاعت و اتباع اور آپ پر کثرت درود وسلام ہی ہمارے لئے کافی ہے ۔"

"زیر نظرویڈیومیں شیخ مقصود الحسن فیضی حفظہ اللہ نے قربانی کے تعلق سے تین اہم نکات پر تفصیلی گفتگو فرمایا ہے:
قربانی کیا ہے؟ شریعت میں قربانی کی کیا اہمیت ہے؟
قربانی کا مقصد کیا ہے؟
اسی طرح قربانی کی شروط،دیگراحکام ومسائل بیان کرکے قربانی سے متعلق شبہات والزامات کا علمی رد پیش کیا ہے۔ نہایت ہی مفید بیان ہے ضرور مستفید ہوں۔"

زیرنظر ویڈیو میں دین سے دوری اوربے راہ روی کے اہم اسباب کا تذکرہ کرکے ان کا مناسب شرعی حل وعلاج بتایا گیا ہے۔ نہایت ہی مفید ویڈیو ہے خود مشاہدہ کریں اور اپنے بچوں کو بھی مشاہدہ کرنے کی ترغیب دیں۔

اس ویڈیو میں نوجوانوں کے اخلاقی فساد وبگاڑ،اور ان کی بے راہ روی سے پردہ اٹھا کر،ان کے انتشار کےاسباب کو بیان کیا گیا ہے،اوران اخلاقی بگاڑ سے نجات پانے کا مناسب وشرعی حل پیش کیا گیا ہے۔

اس ویڈیو میں اللہ رب العالمین کا تقوی اختیار کرنے،اس کا ذکر کرنے اور اس کا شکرکرنے پر ابھارا گیا ہے،نیز ذکر کی اہمیت وفضیلت،اس کی اقسام،شروط،اوقات،اور اس کے فوائد کو بیان کیا گیا ہے،اورذکر الہی سے غفلت کرنے والوں کی مذّمت بیان کی گئی ہے۔

اس ویڈیو میں نماز کی اہمیت وفضیلت،اس کی عظمت اور اس کی ادائیگی کا مسنون طریقہ اختصار کے ساتھ پیش کیا گیا ہے۔

اس ویڈیو میں اس بات پر ابھارا گیا ہے کہ آدمی کو دنیا کی زندگی کو غنیمت جانتے ہوئے سنت کے مطابق عمل کرنا چاہئے،اور بدعت سے اپنے دامن کو دور رکھنا چاہئے،نیز بدعت کا صحیح مفہوم،اس کی قسمیں،اس کے مظاہر،اس کی خطرناکی اور دنیا وآخرت میں اس کے برے انجام،اوراس سے نجات پانے کے طریقے کو کتاب وسنت کی روشنی میں بتایا گیا ہے۔

اس ویڈیو میں دنیا کے اندرانسان کے تخلیق کا حقیقی مقصد بیان کیا گیا ہے اوروہ ہے اللہ عزوجل کی تنہا عبادت کرنا،اور اس کے ساتھ کسی طرح کا شرک نہ کرنا، اورتوحید کی اہمیت وفضیلت،اس کا صحیح مفہوم،اوراس کے فوائد وثمرات،اوراہل توحید کے دنیوی واخروی انجام سے با خبرکیا گیا ہے،اسی طرح بدعت کا مفہوم ،اسکی خطرناکیاں،اور اہل بدعت کے دنیوی و اخروی انجام وغیرہ کے بارے میں تفصیلی روشنی ڈالی گئی ہے۔

اس ویڈیومیں ان امورکا تذکرہ کیا گیا ہے جو قبول حق میں رکاوٹ ومانع بنتی ہیں۔

زیرنظرویڈیو میں حج وعمرہ کی اہیمت وفضیلت،اسکی مشروعیت کی حکمت،اس کے طریقے واحکام اوراس سے حاصل ہونے والے دروس واسباق کو ذکرکیا گیا ہے۔

زیرنظرویڈیومیں چند ایسے اہم اسلامی آداب وطریقے اورضوابط بیان کئے گئے ہیں جن کو اپنا کرزوجین (شوہروبیوی) آپس میں خوشگواروسعادت مند زندگی گزارسکتے ہیں۔

اس ویڈیو میں اولاد کی تربیت میں ماں باپ کا رول وکردار کو کتاب وسنت کی روشنی میں پیش کیا گیا ہے۔مفید ویڈیو ہے ضرور مشاہدہ فرمائیں

اس ویڈیو میں کتاب وسنت کی روشنی میں لاالہ الا اللہ کا صحیح مفہوم،شروط اور اس کے تقاضے کو بیان کیا گیا ہے۔

فتنہ کا صحیح معنیٰ ومفہوم ، فتنہ کی نوعیت ،گمراہی وضلالت اورشر کے راستے کون کون سے ہیں جن سے ایک مسلمان دنیا میں راہ راست سے بھٹک سکتا ہے اورآخرت میں ناکام ہوسکتا ہے؟ فتنوں سے بچنے کے وسائل وذرائع کیا ہیں؟ اورانسان دین پرکیسے ثابت قدم رہ سکتا ہے ؟ مقرر:شیخ ابوزید ضمیرحفظہ اللہ

اس بات کا بیان کہ دین مکمل ہوگیا ہے اس میں کمی وزیادتی کرنا بدعت ہے،اورجوبھی چیز کتاب وسنت اور سنت خلفائے راشدین کے خلاف ہے وہ بدعت ہے،اسی طرح جو بھی چیز خیرالقرون کے عہد میں نہ پائی گئی وہ چیزبدعت ہے۔پھررجب وشعبان کی اہمیت وفضیلت بیان کرکے اس مہینہ کے اندرکی جانی والی بدعات سے پردہ اٹھاکران سے بچنے کی تلقین کی گئی ہے، اوریہ واضح کیا ہے کہ کتاب وسنت اورخلفائے راشدین کے اصول ومنہج کی طرف رجوع کرکے ہی بدعات سے نجات پایا جاسکتا ہے۔

ستائس رجب کو کوئی خاص عمل کرنا بدعت ہے، کیوں کہ اس دن خصوصی طور پر نہ آپ صلی اللہ علیہ وسلم نے کیا ہے اور نہ آپ کے صحابہ کرام رضی اللہ عنہم نے کیا ہے-

اسرف (ٹی وی ٹاک شو): اسراف کیا ہے؟ اس کا صحیح تصوّر کیا ہے؟ کتاب وسنت میں اسراف وفضول خرچی کے سلسلے میں کیا وعید آئی ہے؟ کیا مال کا مالک انسان ہے اور اس کے تصرّف میں مکمل مرضی بھی اسی کی چلتی ہے؟ اسراف ومرضی کے عملی مظاہرکیا ہیں؟ عہد نبوت اورعہد حاضرمیں مال کے سلسلے میں کیا نمایاں فرق ہے؟ اسراف وفضول خرچی کے بنیادی وجوہات کیا ہیں؟ اسراف وفضول خرچی سے چھٹکارا کیسے ممکن ہے؟ کیا خیروبھلائی کے کا موں میں بھی اسراف ہے؟ ان سب کے بارے میں پیس ٹی وی اردو ٹاک شو پرواگرام’’الجھنیں‘‘سیریز کے’’اسراف‘‘ایپی سوڈ میں میزبان عبد الباسط مدنی اور مہمان مؤقرشیخ حافظ عبد العظیم عمری مدنی حفظہما اللہ سے کتاب وسنت کی روشنی میں تفصیلی جان کاری حاصل کریں ۔

بدگمانی کیا ہے اوریہ انسان کے لئے کیسے الجھنوں کا سبب بنتی ہے؟ کیا بدگمانی انسان کا اپنی بیوی،اولاد،والدین ،اقارب،سماج سے نفرت کرنے کا سبب بنتی ہے حتی کہ وہ اپنے سایہ سے بھی خوف کرنے لگ جاتا ہے؟ بدگمانی وشکی مزاج انسان ہمیشہ منفی سوچ کا حامل کیوں ہوتا ہے؟ بدگمانی وشک کامزاج ازدواجی زندگی کے لئے جہنم وعذاب کیوں بن جاتی ہے ؟کیا پانی پرتخت لگائے ہوئے ابلیس کے بھیجے ہوئے کارندے مردوعورت کے درمیان بدگمانی کرکے ان کے درمیان فرقت ادا کرنے میں اہم رول ادا کرتے ہی؟ بدگمانی اورتہمت کی جگہوں اوراعمال سے بچنا کیوں ضروری ہے؟ کیاانسان رب کے ساتھ بھی بدگمان ہوتاہے؟ شریعت اسلامیہ میں بدگمانی کا کیا حل ہے؟ اور اس سلسلے میں کیا رہنمائی موجود ہے؟بدگمانی سے بچنے کے عملی تدابیرکیا ہیں؟ ان سب کے بارے میں پیس ٹی وی اردو ٹاک شو پرواگرام’’الجھنیں‘‘سیریز کے’’ بدگمانی‘‘ایپی سوڈ میں میزبان عبد الباسط مدنی اور مہمان مؤقرشیخ حافظ عبد العظیم عمری مدنی حفظہما اللہ سے تفصیلی جان کاری حاصل کریں ۔