Jo të gjithë ata që na rrethojnë pajtohen me ne në çdo gjë, kështu është edhe në çështjen e besimit ku shumë njerëz nuk janë mysliman. Për këtë kemi nevojë të dimë si e jetësonte Muhamedi (sal-lAllahu alejhi ue sel-lem) misionin e tij që t’ua ofronte fjalën e Allahun të gjithëve? Si sillej ndaj tyre edhe atëherë, kur e shpërfillnin, refuzonin apo silleshin armiqësisht ndaj tij duke i shkaktuar mundime? Këto dhe të tjera gjëra interesante i gjeni në këtë ligjëratë tërheqëse.

Në të vërtetë Allahu i lartësuar e ka përshkruar të dërguarin e Vet në Kuranin famëlartë si mëshirë për tërë krijesat. Por, në mënyrë të veçantë e ka përshkruar se ai është “Reufun Rahim” i butë, i ndjeshëm dhe i mëshirshëm ndaj besimtarëve. Përmes kësaj ligjërate hoxha i nderuar tregon për mënyrën se si Muhamedi (sal-lAllahu alejhi ue sel-lem) e shprehte dhembjen, dashurinë dhe mëshirën ndaj umetit të tij – myslimanëve të cilët i besuan dhe e pasuan qoftë edhe me mangësi.

Kjo ligjëratë është e rëndësishme duke pas parasysh që shtjellon një kategori të veçantë të njerëzve, mënyrën se si i Dërguari i Allahut (sal-lAllahu alejhi ue sel-lem) sillej me ta. Nëpërmjet kësaj do ta kuptojmë edhe teorinë islame dhe udhëzimet në përgjithësi se si duhet të trajtohet kjo kategori e njerëzve në shoqëri. Fjala është për njerëzit me aftësi të kufizuara dhe nevoja të veçanta.

Të moshuarit janë kategori që përvoja e tyre sigurisht pasuron spektrin e shoqërisë por, ata fizikisht kanë nevojë për më tepër përkujdesje, respekt dhe dashuri. Si e bënte këtë në mënyrën më të mirë Muhamedi (sal-lAllahu alejhi ue sel-lem) në mënyrën më të mirë praktikisht dhe si ka kërkuar prej neve në fjalët dhe udhëzimet e tija që edhe ne ta praktikojmë një gjë të tillë? Ta ndjekim ligjëratën.

Në këtë ligjëratë hoxha i nderuar vazhdon të sjellë shembuj praktikë nga jeta e Muhamedit (sal-lAllahu alejhi ue sel-lem), të cilët flasin për angazhimin e tij në lirimin e robërve e sidomos atyre që posedonin veçori të rralla apo ishin shumë të shtypur.

Liria është e drejta themelore e njeriut. Një ngjarje interesante shënoi fillimin e zmbrapsjes së skllavërisë që në çastet e para të lindjes së Muhamedit (sal-lAllahu alejhi ve sel-lem) Si u zhvillua kjo ngjarje dhe si e pohoi Islami këtë drejtë themelore të njeriut do ta ndiqni përmes pjesës së parë të kësaj ligjërate.

Është e lehtë të jesh i sjellshëm dhe i virtytshëm me ata që mendojnë sikurse ti, me ata të cilët të kuptojnë dhe i kupton megjithatë madhështia e një personaliteti vjen në shprehje kur ai person është i virtytshëm edhe me ata që e kundërshtojnë dhe nuk mendojnë sikurse ai. Shembuj të shumtë të virtyteve profetike e jetësojnë këtë porosi ku dhe hoxha i nderuar në këtë ligjëratë do t’i përmend disa prej tyre.

Përmes kësaj ligjërate hoxha i nderuar tregon secilat ishin virtytet e Pejgamberit (sal-lAllahu alejhi ue sel-lem) kur komunikonte me kategorinë shumë specifike të shoqërisë -fëmijët. Si i trajtonte ata dhe si sillej me ta.

Nevoja jonë është shumë e madhe që të njoftohemi për së afërmi me virtytet e vërteta dhe të larta. Të hulumtojmë mu në vendin ku burojnë virtytet më të mira dhe më mahnitëse të cilat i ka dëshmuar historia e njerëzimit.
Në të vërtetë burim i virtyteve është i zgjedhuri i Allahut dhe bartësi i misionit përfundimtar Muhammedi (sal-lAllahu alejhi ue sel-lem), ku jeta, veprimtaria dhe personaliteti i tij vazhdojnë të jenë inspirim për sjellje të mirë dhe ndershmëri për të gjitha gjeneratat.
Në materialin në vijim do të gjeni sqarimin e bukur dhe të hollësishëm të hoxhes së nderuar.

Përshkrim prekës, nga hoxha i nderuar Mahmud El Misri, i vdekjes së të Dërguarit të Allahut (sal-lAllahu alejhi ue sel-lem). Momente vendimtare në jetën e Umetit, çaste kur ndahej i dashuri nga ata që e flijuan çdo gjë për të. Me të vërtetë përballë vdekjes së tij thjeshtësohet çdo fatkeqësi, sikurse që edhe është transmetuar në hadithin e vërtetë.

Hytbe e mbajtur nga hoxha i nderuar Dr. Shefqet Krasniqi ku flet rreth pozitës së lartë dhe nderimit të Muhamedit (sal-lAllahu alejhi ue sel-lem) nga Allahu i lartësuar ashtu që e ka ngritur lartë famën e tij. Ku dhe me të drejtë është njeriu më i përmendur në tërë rruzullin tokësor.

Njeriu nuk ka mundësi ta njoh të vërtetën nga e kota, udhëzimin nga devijimi, të mirën nga e keqja vetëm se përmes rrugës së Pejgamberëve (alejhimus-salatu ves-selam). Ky varg i tyre u plotësua me Muhamedin (sal-lAllahu alejhi ve sel-lem) i cili ishte mëshirë për njerëzimin dhe mësuesi i rrugës së drejtë për të. E kjo është edhe porosia e kësaj hutbeje.

Dashuria ndaj Allahut dhe të Dërguarit të Tij (sal-lAllahu alejhi ue sel-lem) është burim i veprës dhe jetësimit të Islamit në jetën e çdo myslimani. Prandaj, është shumë me rëndësi ta kuptojmë drejt dhe ta realizojmë atë në jetën tonë. Kjo është porosia e hoxhës së nderuar, i cili e përfundon ligjëratën e tij me disa shembuj praktikë.

Përshkrim i shkurtër por, tërheqës i atributeve njerëzore dhe virtyteve morale të Muhamedit (sal-lAllahu alejhi ue sel-lem) nga Shejh Nebil El Ivedi. Ndoshta mund të emërtohet edhe me titullin: Pejgamberi (sal-lAllahu alejhi ue sel-lem) sikurse të ishit duke e parë.

Njohja e të drejtave të Allahut është garanci për çdo të drejtë tjetër të respektohet dhe të ruhet në mënyrën më të mirë prandaj:
- Cilat janë obligimet e tona ndaj Zotit?
- Cila është rruga për njohjen e këtyre të drejtave?
- Sa është rreziku nëse këto të drejta shpërfillen?
Këtyre dhe pyetjeve të tjera iu përgjigjet hoxhë Enis Rama në këtë ligjëratë.

Një pyetje është e përbashkët mes tërë njerëzve pa dallim shtrese, niveli inteligjence apo pozite të tij dhe kjo i mundon të gjithë por, manifestohet në mënyra të ndryshme:
- Pse jemi krijuar?
Në këtë dhe pyetje të ngjashme me të do ta gjeni përgjigjen në ligjëratën e hoxhës së nderuar Enis Rama.

Njohja e obligimeve ndaj Allahut rezulton me raporte të mira me Krijuesin por, që këto raporte ta marrin kuptimin e vërtetë duhet përgjigje për disa pyetje:
- Çka na lidh ne me Zotin?
- Çfarë i karakterizon raportet e tona me Zotin e lartësuar.
- Mbi çka ndërtohen këto raporte.
- Si i manifestojnë njerëzit këto raporte me Zotin e tyre.
E përgjigjen e gjeni në këtë ligjëratë të mbajtur nga hoxha i nderuar Enis Rama.

Adhurimi shfaqet në mënyra të ndryshme dhe është i llojllojshëm. Një vështrim i shkurtër fjalës së Allahut dhe të Dërguarit të Tij vërejmë se adhurimi është shumë lloje dhe se ne kemi mundësi ta adhurojmë Allahun me qenien tonë të brendshme dhe të jashtme. E njohja me këtë llojllojshmëri e bën adhurimin e freskët dhe sjell llojllojshmëri të shpërblimeve. Sqarimin e tërë kësaj e gjeni në këtë ligjëratë interesante të hoxhës së nderuar Enis Rama.

Rrugëtimi në kërkim të adhurimit kërkon një konfirmim dhe marrëveshje e cila pasqyrohet në një fjalë të shkurtë e të njohur për të gjithë por, shumë domethënëse. Dhe vetëm me kuptimin e porosive të saj e kuptojmë se sa i rëndësishëm është konfirmimi për të rrugëtuar tutje në kërkim të adhurimit. E kjo është fjala e Shehadetit, për të cilën e ka veçuar hoxha i nderuar, Enis Rama, ligjëratën e tij.

Adhurimi ndaj Allahut të lartësuar është esenca e ekzistimit tonë në këtë botë, prandaj si ta kuptojmë adhurimin tonë ndaj Allahut dhe të largojmë keqkuptimet që lidhen me të te shumë njerëz. E kjo është tema e ligjëratës së hoxhës së nderuar Enis Rama.

Kjo hytbe e mbajtur nga hoxha i nderuar përmban thirrje për ta kuptuar drejt festën e vitit të ri dhe rrënjët e saj fetare jo islame si dhe thirrje për pendim të sinqertë nga festimi i saj dhe të këqijat që e përcjellin këtë festë.

Përjetimi i mbikëqyrjes së Allahut ndaj krijesave është një ndër adhurimet më të rëndësishme të zemrës, e cila e bën muslimanin ta jetoj jetën e tij sipas asaj që e dëshiron Allahu prej tij.
Rëndësia e veçantë e këtij adhurimi është kur muslimani e përjeton këtë mbikëqyrje me fillimin e çdo viti të ri dhe llogaritë veten e tij për vitin e kaluar.

Hixhreti është një ndër stacionet më të rëndësishme të jetës së Pejgamberit (paqja dhe shpëtimi i Allahut qoftë mbi të). Pas një mundi që e përjetoi në Mekë dhe kalitje në çështjet themelore të besimit u shfaq një dritë për Islamin, një kthesë historike në përhapjen dhe forcimin e Islamit, një ndryshim i cili njëherë e përgjithmonë ndërroi peshojat e forcave mes të vërtetës dhe të kotës.
Prandaj çdo mysliman duhet me kujdes të ndalet tek mësimet e kësaj ngjarjeje historike, e kjo është edhe porosia e kësaj ligjërate nga hoxha i nderuar Dr. Shefqt Krasniqi.

Festat kane domethëniet e veta dhe shënojnë një pjesë të rëndësishme të kulturës, simboleve dhe besimit të popujve. Mu për këtë hoxha i nderuar Ferid Selimi sqaron në këtë hutbe identitetin dhe krenarinë që duhet ta ketë çdo mysliman dhe të mos bëhet injoranca apo dobësia në fe shkak që të jepet pas festave që në vete përmbajnë shumë botëkuptime në kundërshtim me mësimet dhe udhëzimet islame.

Kjo është një hutbe e mbajtur nga Dr. Shefqet Krasniqi në të cilën flet për vlerën e dhjetë ditëve të para të Dhul Hixhes, si dhe për shpërblimin e madh për atë që i shton veprat e mira në këto ditë.