حكم حضور الاجتماعات في مبنى تابع للكنيسة
البطاقة التعريفية 
حوكمی ئاماده‌بوونی كۆبوونه‌وه له خانوێك كه پاشكۆی كه‌نیسه‌یه
پرسیار:ده‌رۆشتین بۆ مزگه‌وت بۆ ئه‌وه‌ی وانه‌و ئامۆژگاری خوشكان بكه‌ین، به‌ڵام بۆ ماوه‌یه‌ك دابڕاین له‌به‌ر چه‌نده‌ها هۆ، له‌وانه‌پابه‌ندنه‌بوونی خوشكان به‌كاتی وانه‌كه‌وه، وه‌له‌و ماوه‌یه بیستمان كه‌وا خوشكانی موسڵمان و غه‌یره موسڵمان كۆده‌بنه‌وه هه‌موو رۆژێكی دوو شه‌ممه له خانووێیك كه پاشكۆی كه‌نیسه‌یه و‌تایبه‌ته به ئافره‌تان ،ئێمه‌یش ووتمان ممكنه پێشوازیمان لێ بكه‌ن بۆ ئه‌وه‌ی بانگیان كه‌ین بۆ لای خوای گه‌وره، به‌ڵام هه‌ندێك ده‌ڵێین دروست نیه برۆن بۆ ئه‌و جێگایه، له‌به‌ر ئه‌وه‌ی سه‌ربه كه‌نیسه‌یه، ئایه ئه‌گه‌ر برۆێین بۆ ئه‌وه‌ی بانگه‌وازیان له‌گه‌ڵدا بكه‌ین گوناهبار ده‌بین؟
وه‌ڵام:سوپاس بۆ خوا
پێشه‌كی داواكارین له‌خوای گه‌وره پاداشتی خپرتان بداته‌وه له‌سه‌ر هه‌وڵ و كۆششتان له‌وڵاتێك كه‌وا خه‌یرو چاكه‌ی تێدا كه‌مه‌و خراپه‌ی تێدا زۆره، خوای گه‌وره موفه‌قتان بكات.
دیاره رۆشتنتان بۆ ئه‌و خانوه‌ی كه پاشكۆی كه‌نیسه‌یه چه‌نده‌ها قه‌ده‌غه‌كراوی تێیدایه، له‌وانه:
١-ده‌بێته مایه‌ی زیندوكردنه‌وه‌ی ئه‌و شوێنانه كه شیركی تێیدا ده‌كرێت...
٢-ده‌بێته مایه‌ی گومرا كردنی خه‌ڵكی نه‌فام و نه‌زان، چونكه‌وا گومان ده‌به‌ن كه‌وا‌ئه‌و شوێنانه قسه‌ی حه‌قی تێدا ده‌كرێت، له‌به‌ر ئه‌وه‌ی‌خه‌ڵكی بانگخواز و چاك سه‌ردانی دهكهن، وه‌بێ گومان ئه‌مه‌ش ده‌بێته مایه‌ی ئه‌وه‌ی كه گاوره‌كان ته‌ماح به‌و خه‌ڵكه نه‌زان و نه‌فامه ببه‌ن و له‌ڕێگه‌ی ڕاستی دووریان كه‌نه‌وه.
٣-هاتشوو كردنی ئه‌و شوێنانه شوێنه‌واری خراپی ده‌بێت له‌سه‌ر ئه‌هلی خه‌یر و عیلم؛ چونكه ئه‌وانه‌ی سه‌رپه‌رشتی ئه‌و شوێنانه دهكهن ڕێزیان لێ ئه‌گرن و به‌گه‌رمی پێشوازیان لێ ئه‌كه‌ن و، وه‌مه‌نهه‌جی خۆیان پێشكه‌ش به‌ئاماده‌بوان دهكهن، بێ گومان ئه‌م جۆره ڕه‌فتارانه وا له‌و كه‌سانه ده‌كات كه‌هاتشویان دهكهن به‌لای كه‌میه‌وه وا نه‌زانن ئه‌و ئایینه‌ی ئه‌وان بڕوایان پێیه‌تی ئاینێكی پوچه‌ڵه، ئه‌مه‌ش سه‌رتایی گومڕاییه.
٤-هه‌روه‌ها هاتشوو كردنی ئه‌و جۆره شوێنانه، ده‌بێته مایه‌ی دوور كه‌وتنه‌وه له مزگه‌وته‌كان.
وه بزانه ئه‌و گاورانه چۆن سه‌ركه‌وتن به‌ده‌ست ده‌هێنن كاتێك موسڵمانان دوور ده‌كه‌نه‌وه له مزگه‌وت و، ڕۆڵی مزگه‌وت ناهێڵن.
له‌پاش زانینی ئه‌م قه‌ده‌غه‌كراوانه بۆمان ده‌رده‌كه‌وێت كه‌ڕۆشتن بۆ ئه‌و جۆره شوێنانه حه‌رامه‌ـ والله اعلم ـ وه‌ده‌بێت پارێزگاری له‌حه‌له‌قی عیلم و قورئان خوێندن بكرێت له‌مزگه‌وته‌كان .
وه‌ئه‌گه‌ر توانیت رێنمویی ئه‌و كه‌سانه بكه‌ییت كه‌هه‌ڵگری ئاینی گاوڕن بۆ لای حه‌ق و ڕاستی، ئه‌وه هیچی تێیدا نیه برۆیی بۆ ئه‌و جۆره‌شوێنانه بۆ بانگكردنیان بۆ ڕێگه‌ی خوای گه‌وره، بهمهرجێك ئه‌و ڕۆشتنه تایبه‌ت بێت به‌خۆته‌وه یان ئه‌و كه‌سانه‌ش كه‌توانای بانگه‌وازكردنیان هه‌یه‌و زانستی شه‌رعیان پێیه، وه‌نابێت ئه‌و كه‌سانه بچن كه‌عیلمیان كه‌مه‌و، یان شاره‌زا نین له ئایینه‌كه‌یان...
زانایانی لیژنه‌ی هه‌میشه‌یی و فه‌توا ده‌فه‌رموون:" دروسته كۆبنه‌وه له‌گه‌ڵ بێ باوه‌ڕان، له‌شوێنه گشتیه‌كان كه ده‌وڵه‌ت دروستی كردوه بۆ گفتوگۆ و كۆڕی زانستی و وتنه‌وه‌ی وتار ده‌رباره‌ی ئایین، بهمهرجێك ئه‌و زانایانه‌ی كه ئاماده بوونه هه‌ستن به‌روون كردنه‌وه‌ی بیروباوه‌ڕی ڕاسته‌قینه‌ی ئیسلام و پایه‌كانی و ڕه‌وشته‌كانی، وه‌بتوانن وه‌ڵامی ئه‌و گومانانه‌ی بێ باوه‌ڕان هه‌یانه‌ده‌رباره‌ی ئیسلام وه‌ڵامیان بده‌نه‌‌وه به‌شێوه‌ێكی زانستیانه، كه‌ببێته‌مایه‌ی سه‌ركه‌وتنی حه‌ق و به‌رگری كردن لێی.
وه‌ئه‌گه‌ر موسڵمان ترسا توشی فیتنه‌ببێت ده‌رباره‌ی ئایینه‌كه‌ی به‌هۆی نه‌فامی و سستی خۆ ئاماده‌كردن و كه‌می زانیاری له‌سه‌ر ئایینه‌كه‌ی، ئه‌وه‌دروست نیه‌ئاماده‌بێت له‌و جۆره‌شوێنانه، بۆ ئه‌وه‌ی خۆی بپارێزێت له‌فیتنه‌وتوشی گومان نه‌بێت ده‌رباره‌ی ئاینه‌كه‌ی.
