الإنترنت سلاح ذو حدين
البطاقة التعريفية 
ئينته‌رنێت شمشێری دوو سه‌ره
ئینته‌رنێت له‌م سه‌رده‌مه تازه‌ترین ئامێری زانستی یه كه‌عه‌قل و ژیری مرۆڤ پێی گه‌یشتوه، كه‌بۆته جێگای سه‌رسوڕمان، چونكه‌هیچ په‌رده‌و به‌ربه‌ستێك ناتوانێت ڕێگای بگرێت بۆبڵاوكردنه‌و هه‌موو جۆره‌بیروباوه‌ڕێك به ئازادی بۆیه‌وه‌ك شمشێرێكی دووسه‌ره:
1-چونكه ئه‌هلی خێرو چاكه‌ده‌توانن بیرو باوه‌ڕی ڕاست وپیرۆزی خۆیان بگه‌ێنن به‌سووكترین نرخ وبه‌ها.
2-له‌هه‌مان كاتدا ئه‌هلی شه‌ڕو خراپه ده‌توانن بیرو باوه‌ڕی چه‌وت و گڵاوی خۆیان بڵاو بكه‌نه‌وه به‌ئاسانی.
ده‌مه‌وێت له بوواری دوه‌میان توزێك بنوسین كه به‌كارهێنانی ئینته‌رنێته‌بۆشه‌ڕو خراپه، چونكه له‌گه‌ل ئه‌م هه‌موو سوود و قازانجانه‌ی ئینته‌رنێت، به‌ڵام گه‌ر به‌كار بهێنرێت بۆ خراپه‌ده‌بێته‌هۆی كاول كاری وێرانكردنی تاك و كۆمه‌ڵه، بۆیه ڕۆژئاوا زووتر ووریابوونه وه‌له ئێمه‌ی موسلمان له‌زه‌ره‌رو زیانه‌كانی لایه‌نه خراپه‌كه‌ی، به‌تایبه‌تی له‌دوای بڵاوبوونه‌وه‌ی قاوه‌خانه‌كانی ئینته‌رنێت، هه‌ندێك له سه‌ر چاوه‌كانی ئه‌م قاوه‌خانانه ده‌ڵێت: زیاتر له 90٪ گه‌نجه‌كانی له‌م شوێنه‌دا دێن بۆ سه‌ردان و سه‌یر كردنی په‌یگه خراپ و بێ ڕه‌وشته‌كان، بۆیه ئینته‌رنێت بۆه‌ته هۆی تێك چوونی چه‌ندین خێزانی به‌خته‌وه‌روو به‌شه‌رم، وچه‌ندین لاو و كچی داوێن پاك و ڕه‌وشت به‌رز، با به‌یه‌كه‌وه ئه‌م ڕووداوه حه‌قیقیه باس بكه‌ین كه مامۆستا شێخ (محمد ساڵح المنجد) ده‌یگێڕیته‌وه بۆمان، كه‌بریتی یه له‌نامه‌ی ئافره‌تێك بۆ مامۆستا ده‌لێت: من و پیاوه‌كه‌م زۆر به‌خته‌وه‌ر بوین دوور له‌گشت ناخۆشیه‌ك، ماڵمان ئاوه‌دان له‌یادی خوا،وپیاوه‌كه‌م نوێژی به‌یانی له كاتی خۆیدا به‌جه‌ماعه‌ت له‌مزگه‌ووت ده‌كرد به‌رده‌وام،هه‌روه‌ها گشت نوێژه‌كان، وه‌هه‌موو هه‌فته‌یه‌ك سه‌رادنی خزم و كه‌سی ده‌كرد ویارمه‌تی هه‌ژارانی ئه‌دا،له‌مزگه‌وته‌كان ئه‌گه‌ر كه‌م وكوڕی پێویستی بدیبایه ده‌چوو بۆیانی دابین ده‌كرد، بۆیه خوای گه‌وره رزق و ڕۆزیمان به‌ره‌كه‌ت داربوو، به‌ڵام كه‌ئینته‌رنێتی هێنایه ماله‌وه شه‌ڕو به‌ڵا ڕووی تێمان كرد كه ده‌ستی كرد به‌سه‌یر كردنی ئه‌م وێنه ڕوت و بێ ڕه‌ووشتانه پیاوه‌كه‌م وه‌زعی زۆرگۆڕا، یه‌كه‌م جار وازی هێنا له‌نۆێژی به‌یانی، وه‌نوێژه‌كانی تری ده‌كرد به‌ته‌مبه‌ڵی له‌‌كاتێكی زۆر دره‌نگ، دوور له‌جه‌ماعه‌ت، -ئافره‌تكه‌ده ڵێت-: زۆرم ئامۆژگاری كرد به‌چه‌ندین شێوه‌بێ سوود بوو، پاشان ووتم: بۆ خۆت ژنێكی تر بێنه، به‌ڵام رازی نه‌بوو، ئێستا من نازانم چی بكه‌م؟وه‌بێ هیوا بووم لێی، پێم ده‌ڵێت: من ناتوانم واز بێنم له‌سه‌یر كردنی ئینته‌رنێت، وای لێهاتووه گشت كاتێكی به‌سه‌ر ده‌بات له‌گه‌ل ئینته‌رنێت، منیش سێ مناڵم هه‌یه، ده‌مه‌وێت په‌روه‌رده بن په‌ر‌وه‌رده‌ێكی پاك و موسڵمانانه چی بكه‌م؟ وه موشكیله‌كه گه‌وره‌تربوه، ئێستا پیاوه‌كه‌م ده‌ڵێت : سه‌ته‌لایتیش ده‌كڕم، تكا ده‌كه‌م یارمه‌تیم بده‌ن وچاره‌یه‌كم بۆ بدۆزنه‌وه.
به‌ڵێ براكه‌م: ده‌بێت چه‌نده‌ها خێزان و ژن و پیاو تووشی هه‌مان ده‌رد و به‌ڵا هاتوون له‌ڕێگای به‌كار هێنانی لایه‌نی‌خراپی ئینته‌رنێت، جا بۆ چاره‌سه‌ری ڕاسته‌قینه‌ی ئه‌م به‌ڵاو موسیبه‌ته‌پێویستمان به‌ترس و ته‌قوای خوایه و‌بزانین چاودێری خوامان له‌سه‌‌ره‌كه‌هیچ ووردو نهێنیه‌ك لای خوای گه‌وره بزر نابێت، وه‌ك خۆی ده‌فه‌رموێت( یعلم خائنة‌الأعین وما تخفي الصدور) سووره‌تی غافیر (19).واتا: خوا ده‌زانێ به خیانه‌تی چاوان و هه‌رچی له‌دڵان ده‌یشارنه‌وه.
بۆیه دوا ووشه ئه‌مه‌یه: براكه‌م له‌زه‌تی دونیاو خۆشیه‌كه‌ی كاتییه و به‌سه‌ر ده‌چێت به‌خێرایی وبه‌رده‌وام نابێت، بۆیه نه‌فسی خۆت و خێزانت و براو خوشك وكه‌س كارت وێران مه‌كه به‌كارهێنانی خراپی ئه‌م تۆڕه ترسناكه، خۆت و كه‌س وكارت بپارێزه له ئاگرو غه‌زه‌بی سه ختی په‌روه‌ردگار، چونكه وه‌ك خوا ده فه‌رموێت: (ئه‌ی ئه‌وكه‌سانه‌ی بڕواتان هێناوه خۆتان و كه‌س وكارتان بپارێزن له ئاگرێك كه‌سووته‌مه‌نی یه‌كه‌ی ئاده‌می و به‌رده، سه‌رپه‌رشتی ئه‌و ئاگره‌ی دۆزه‌خ چه‌ند فریشته‌یه‌كی دڵ ڕه‌قی تووندو تیژی وا كه‌سه‌رپێجی خواناكه‌ن و له‌وه‌ی كه فه‌رمانیان پێ بدات وه‌چ فرمانێكیان پێ بدرێت ده‌یكه‌ن( سوره‌تی التحریم ئایه‌تی6)، وپیغه‌مبه‌ری خوا (صلى الله عليه وسلم ) ده‌فه‌رموێت: ( ئایین بریتی یه له‌ئامۆژكاری ).
وصلى الله وسلم على نبينا محمد وعلى آله وصحبه أجمعين
