فتاوى في جمع الصلاة
البطاقة التعريفية 
چه‌ند فه‌توایه‌ك ده‌رباره‌ی كۆكردنه‌وه‌ی نوێژ
پرسیاری نۆیه‌م له‌فه‌تواكان ژماره( 16371 )
هه‌ندێ جار به‌ڵام به‌كه‌می، دوو نوێژی فه‌رز كۆده‌كه‌مه‌وه له‌به‌ر سه‌فه‌ركردن یان هه‌ندێ جاریش به‌سه‌هوو ده‌چم ، ئایا چۆن له‌م خووه‌دوور بكه‌ومه‌وه؟ وه‌بیستوشمه‌كه‌دروسته دوو نوێژ له‌یه‌ك كاتدا كۆیكه‌یته‌وه.
وه‌ڵام : واجبه هه‌موو نوێژه‌كان له‌كاتی خۆیدا ئه‌نجام بدرێن ، مه‌گه‌ر كاتێك له‌سه‌فه‌ردا بیت ، چونكه له‌سه‌فه‌ردا دروسته نوێژی نیوه‌ڕۆ و عه‌سر پێكه‌وه كۆبكه‌یته‌وه، هه‌روه‌ها نوێژی شێوان وخه‌وتنانیش پێكه‌وه كۆبكرێته‌وه له‌یه‌ك كاتدا ، هه‌روه‌ها دروسته له كاتی نه‌خۆشیشدا به‌هه‌مان شێوه‌كۆیان بكه‌یته‌وه، كاتێ كه‌زانیت ناڕه‌حه‌ت ده‌بیت ئه‌گه‌ر كۆیان نه‌كه‌یته‌وه.
پرسیاری نۆیه‌م له‌فه‌تواكان ژماره( 20619 )
ده‌ڵێن كۆكردنه‌وه‌ی نوێژ به‌بێ هیچ ( عذر ) بیانویه‌كی شه‌رعی دروسته بۆ نمونه نوێژی شێوان له‌گه‌ڵ خه‌وتنان وه‌نوێژی نیوه‌ڕۆ له‌كه‌ڵ عه‌سر كۆبكه‌یته‌وه، ئه‌گه‌ر چی كۆكردنه‌وه‌و پێشخستن بێت یان دواخستن ، ده‌ڵێن جونكه ئه‌و خه‌ڵكه‌جووتیارن وشوانی مه‌ڕو ماڵاتن له‌به‌ر ئه‌وه دروسته نوێژ كۆبكه‌نه‌وه؟
وه‌ڵام : واجبه موسڵمان هه‌موو نوێژه‌كانی له‌كاتی خۆیدا بكات و ئه‌نجامیان بدات به پێیه‌ی خواو پێغه‌مبه‌ری خوا ( درودی له‌سه‌ر بێت ) ڕۆشنیان كردوه‌ته‌وه‌و به‌یانیان كردوه بۆ موسڵمانان وه‌ك خوای گه‌وره ده‌فه‌رموێت: { إنّ الصّلاة كانَت على المؤمنينَ كتاباً موقوتا } جا له‌به‌ر ئه‌وه دروست نی یه دوو نوێژ كۆ بكرێته‌وه‌وه بێ هیچ (عذر ) بیانویه‌كی شه‌رعی وه‌كو سه‌فه‌ر كردن و نه‌خۆشی بارانی زۆر .
پرسیاری چوارده‌هه‌م له‌فه‌تواكان ( ژماره( 17883 )
له‌ڕیوایه‌تی ئیمامی موسلیم دا هاتووه‌كه‌پێغه‌مبه‌ری خوا ( درودی خوای لێ بێت ) نوێژی نیوه‌ڕۆ و عه‌سری پێكه‌وه كۆكردوه‌ته‌وه و نوێژی شێوان و خه‌وتنانیشی پێكه‌وه كۆكرده‌وتوه به‌هه‌مان شێوه له‌ناو شاری مه‌دینه‌دا بووه_ واته له‌سه‌فه‌ردا نه‌بوه_ به‌بێ بوونی ترس وباران بارین، هه‌ر له‌م باره‌یه‌وه ووتراوه به ئیبن وعه‌باس و ئه‌م پرسیاره‌ی لێ كراوه ئه‌ویش ووتویه‌تی : ئه‌وه بۆ ئه‌وه بووه عباده‌ت و خواپه‌رستی له‌سه‌ر ئومه‌ته‌كه‌ی گران نه‌بێت ، ئایا ڕاستی ئه‌م فهرموودهیه تا چه‌ندێكه‌و ده‌ره‌جه‌ی صحه‌ی چه‌نده؟ وه ئایا ئه‌گه‌ر فه‌رمووده‌كه صه‌حیحه بۆ ئێمه درووسته كه نوێژه‌كان كۆ بكه‌ینه‌وه هه‌روه كو پێغه‌مبه‌ری خوا ( درودی له‌سه‌ر بێت ) كردوونی، به‌ڵام به‌شێوه‌ی هه‌میشه‌یی ، وه ئایا چۆن جه‌مع و ته‌وفیق ده‌كرێت له‌نێوان ئه‌م فه‌رمووده و ئایه‌تی : { إنّ الصّلاة كانَت على المؤمنينَ كتاباً موقوتا } واته : ( نویژه‌كان كه‌له‌سه‌ر موسڵمانان فه‌رزن به‌شێوه‌یه‌كی دیاری كراو له‌كاته‌كانی خۆیاندا ) ؟
وه‌ڵام : ئه‌م فهرموودهیه به‌ڵگه نی یه له‌سه‌ر ئه‌وه‌ی كه دروست بێت هه‌میشه نوێژه‌كان كۆبكرێته‌وه، چونكه ئه‌مه پێچه‌وانه‌ی سوننه‌ت و كرداری پێغه‌مبه‌ری خوایه( درودی خوای له‌سه‌ر بێت ) كه‌ئه‌و هه‌موو نوێژه‌كانی له‌كاتی خۆیدا كردوون ، هه‌روه‌ها پێچه‌وانه‌ی زۆرێك له‌فه‌رمووده‌ی تریشه، كه‌به‌ڵگه‌ن له‌سه‌ر دیاری كردن وده‌ست نیشانكردنی كاتی نوێژه‌كان، ئه‌م فه‌رمووده‌یه‌ش سه‌رجه‌م زانایان كۆن ویه‌كڕان له‌سه‌ر كارپێنه‌كردنی هه‌روه‌كو ئیمام تورموزی ده‌فه‌رموێت : ( پێده‌چێت پێغه‌مبه‌ری خوا ( درودی خوای له‌ر سه‌ر بێت ) له‌به‌ر (عذر) بیانویه‌كی شه‌رعی ئه‌وه‌ی كردبێت جگه له‌ترس وباران بارین وسه‌فه‌ر كردن ) .
ئه‌ندام ئه‌ندام ئه‌ندام ئه‌ندام به‌ڕێوه‌به‌ر
بكر أبو زيد صالح الفوزان عبد الله بن غديان عبد العزيز آل الشيخ عبد العزيز بن عبد الله بن باز
خواش پشت وپه‌نای هه‌موو لایه‌كه‌و درودو سڵاوی خوای گه‌وره‌ش له‌سه‌ر گیانی پیشه‌وامان محمد و ئه‌هل وبه‌یتی و هاوه‌ڵ وشوێن كه‌وتوانی
وه‌رگێڕانی: زاكرۆس هه‌مه‌وه‌ند
انظر أيضاً ( 1 )