حكم البقاء في الذنب
البطاقة التعريفية 
حوكمي مانه‌وه له تاواندا
پرسیار: من گه‌نجێكم په‌یوه‌ستم به ئیسلامه‌وه به‌ڵام هه‌ستم كردووه له‌م ماوه‌ی دوایی دا ئیمانم لاواز بووه به‌به‌ڵگه‌ی جێ به‌جێ كردنی هه‌ندێك تاوان وه‌ك له‌كیس چوونی نوێژ یان دواخستنی وه‌هه‌روه‌ها گوێ گرتن له(اللهو)ی ووته‌دا وه‌مانه‌وه‌م له‌تاواندا وه‌زۆر هه‌وڵم داوه خۆم ڕزگار بكه‌م له‌وه‌ی منی تیام، به‌ڵام سه‌ركه‌وتوو نه‌بووم ئایا ڕێنموونیم ده‌كه‌یت به‌رێزت بۆ ئه‌و ڕێ ڕاسته‌ی رزگارم ده‌بێت له‌خراپه‌كاری نه‌فسم؟
وه‌ڵام: داوا له‌خوای گه‌وره ده‌كه‌م بۆ ئێمه‌و تۆش هیدایه‌ت بدات وه ڕێگا بۆ ئه‌مه پێویسته ئاگات هه‌بێت له‌قه‌رئان خوێندن و تێ گه‌یشتنی چونكه قو‌رئان خوا له‌باره‌یه‌وه ده‌فه‌رموێت:{ يَا أَيُّهَا النَّاسُ قَدْ جَاءتْكُم مَّوْعِظَةٌ مِّن رَّبِّكُمْ وَشِفَاء لِّمَا فِي الصُّدُوڕ وَهُدًى وَرَحْمَةٌ لِّلْمُؤْمِنِينَ} (سورة یونس: 57). پاشان گه‌ڕانه‌وه بۆ ژیانی پێغه‌مبه‌ر (صلى الله علیه وسلم) و سوننه‌ته‌كانی، چونكه ڕۆشن كه‌ره‌وه‌یه بۆ ئه‌و ڕێگایه‌ی مه‌به‌سته پێی بگه‌یته په‌روه‌ردگار، وه‌سێهه‌م ئاگاداری و سووربوون له‌سه‌ر هاوڕێ یه‌تی كه‌سانی چاكه خوازو به‌ته‌قوا، وه‌چواره‌م دووركه‌وتنه‌وه به‌پێ ی توانا له‌دانیشتناكانی خراپه ئه‌وانه‌ی پێغه‌مبه‌ر (صلى الله علیه وسلم) له‌باره‌یانه‌وه ده‌ڵێ: (مثل جليس السوء كنافخ الكير إما أنْ تحترقك وإمّا ان تجد منه رائحة كريهة) وه‌هه‌روه‌ها سه‌رزه‌نشت كردنی نه‌فس له‌م گۆرانكاری یه‌ی هاتووه به‌سه‌رتدا به‌به‌رده‌وامی تاكو ده‌گه‌ڕێته‌وه بۆ ئه‌وه‌ی له‌پێشتر تیایدا بویت له‌باوه‌ڕی به‌هێزی، شه‌شه‌م: نه‌یه‌ته ناخته‌وه له خۆڕازی بوون له‌وه‌ی كه كردووته له‌كرده‌وه‌ی چاك، چونكه له خۆڕازی بوون پێ ی ده‌چێت كرده‌وه‌كانت به‌تاڵ بكاته‌وه‌وه‌ك خوای گه‌وره‌ده‌فه‌رموێت: (يَمُنُّونَ عَلَيْكَ أَنْ أَسْلَمُوا قُل لَّا تَمُنُّوا عَلَيَّ إِسْلَامَكُم بَلِ اللَّهُ يَمُنُّ عَلَيْكُمْ أَنْ هَدَاكُمْ لِلْإِيمَانِ إِن كُنتُمْ صَادِقِينَ) (الحجرات: 17) به‌ڵكو وا سه‌یری كرده‌وه چاكه‌كانت بكه هه‌میشه كه هێشتا كه‌م ته‌رخه‌میت كردووه‌و هه‌میشه په‌نا به‌ره‌بۆ داوای لێخۆش بوون له‌خوای گه‌وره‌و ته‌وبه‌كردن له‌گه‌ڵ گومانی باش بردن به خوای گه‌وره چونكه گه‌ر مرۆڤ له‌خۆی ڕازی به‌هۆی كرده‌وه‌كانی وه‌وا ده‌یبینی كه‌هه‌قی به‌سه‌ر خواوه هه‌یه ئه‌مه كارێكی زۆر خراپه‌و له‌وه ده‌چێت كرده‌وه‌ی پێ ی به‌تاڵ ببێته‌وه داوا له‌خوای گه‌وره‌ده‌كه‌ین بمانپارێزێت و لێمان خۆش بێت و پاكێتیمان له‌تاوان پێ ببه‌خشێت.
وصلى الله وسلم على نبينا محمد وعلى آله وصحبه أجمعين
