حوكمی سوار بوونی ئافره‌ت له‌گه‌ڵ شۆفێرێك به بێ مه‌حره‌م
كارتی بابه‌ت 
حوكمی سوار بوونی ئافره‌ت له‌گه‌ڵ شۆفێرێك به بێ مه‌حره‌م
پرسیار : ئايا حوكمی سوار بوونی ئافره‌تێك یان دوو ئافره‌ت چیه له‌گه‌ڵ شۆفێرێك ؟
وه‌ڵام : به‌هیچ شێوه‌یه‌ك دروست نیه بۆ ئافره‌تێك كه به‌ته‌نها وبه‌بێ كه‌سێكی مه‌حره‌م له‌گه‌ڵ شۆفێری ته‌كسی یان هه‌ر ئۆتۆمبیلێكی تردا بێت سوار ببێت، جا بۆ ڕۆشتن بۆ مزگه‌وت بێت یان بۆ هه‌ر جێگایه‌كی تر بێت، له‌به‌ر ئه‌و نه‌هی و قه‌ده‌غه‌كردنه زۆر توندانه‌ی كه له پێغه‌مبه‌ری خوداوه صلى الله عليه وسلم له‌م باره‌یه‌وه وارد بووه، ئه‌گه‌ر هاتوو له‌گه‌ڵ شۆفێره‌كه‌دا كۆمه‌ڵێك ئافره‌ت بوون، ئه‌وه بێگومان حوكمی حه‌رامیه‌كه‌ی سووك تره و وه‌ك ئه‌وه نیه كه به‌ته‌نها سوار بێيت، به‌ڵام ئه‌بێت ئه‌وه بزانن پێویسته و واجبه له‌سه‌ر ئافره‌تان كه پابه‌ند بن به ئه‌ده‌ب و شه‌رم و حه‌یای خۆیانه‌وه، و به‌هیچ شێوه‌یه‌ك ده‌ست نه‌كه‌ن به گاڵته وگه‌پ و قسه‌ی نابه‌جێ له‌گه‌ڵ ئه‌و شۆفێره‌دا .
خوای گه‌وره‌ش له‌هه‌موو كه‌س زاناتره .
