جیاوازی له‌ نێوان ناو وسیفه‌ته‌كانی خوای گه‌وره‌

فه‌تواكان كارتی بابه‌ت
ناونیشان: جیاوازی له‌ نێوان ناو وسیفه‌ته‌كانی خوای گه‌وره‌
زمان: كوردی سوراني
موفتی: ده‌سته‌ی به‌شی زمانی كوردی له‌ ماڵپه‌ڕی ئیسلام هاوس
پێداچوونه‌وه‌: پشتیوان سابیر عه‌زیز
پوخته‌یه‌ك: پرسیارێكه له‌ لایه‌ن ده‌سته‌ی به‌شی زمانی كوردی له‌ ماڵپه‌ڕی ئیسلام هاوس وه‌ڵامی دراوه‌ته‌وه‌، وه‌ ناوه‌ڕۆكی پرسیاره‌كه‌ ئه‌مه‌یه‌:" ئایا جیاوازی چیه‌ له‌ نێوان ناو وسیفه‌ته‌كانی خوای گه‌وره‌دا ؟".
مێژوی زیادكردن: 2010-04-12
لینكی كورتكراو: http://IslamHouse.com/289913
ئه‌م ناونیشانه‌ پۆلێن كراوه‌ به‌ شێوه‌یه‌كی بابه‌تیانه‌ له‌ چوارچێوه‌ی ئه‌م پۆلێنانه‌
ئه‌م كارته‌ وه‌رگێڕاوه‌ به‌م زمانه‌: عه‌ره‌بی
پوخته‌یه‌كی فراوان

 

جیاوازی له‌ نێوان ناو وسیفه‌ته‌كانی خوای گه‌وره‌

 

 

پرسیار : ئایا جیاوازی چیه‌ له‌ نێوان ناو وسیفه‌ته‌كانی خوای گه‌وره‌دا ؟

وه‌ڵام : ناو وسیفه‌ته‌كانی خوای گه‌وره‌ له‌خاڵێكدا هاوبه‌شن ئه‌ویش ئه‌وه‌یه‌ كه‌ به‌هه‌ردووكیان دروسته‌  ( په‌نا بگیرێت به‌خودا ) و (سوێندیشیان پێ بخورێت،بۆ نموونه‌ بوتــرێت : ( أعوذ بالله السميــع العليم من الشيطان الرجيم ) لێـــره‌دا ســـه‌رنـج ده‌ده‌ین ( السمیع و العلیم ) هه‌ردووكیان دوو ناوی خوای گه‌وره‌ن  وپه‌نایان پێگیراوه‌  له‌شه‌ڕ وخراپه‌ی شه‌یتانی نه‌فرین لێكراو، هه‌روه‌ها دروسته‌ په‌نا بگیرێت به‌ صیفـه‌ته‌كانی خوای گه‌وره‌ش و بوترێت  ( أعوذ برحمة الله من أهوال يوم القیامة .. ) به‌م شێوه‌یه‌ ( الرحمة ) صیفه‌تێكی خوای گه‌وره‌یه‌ و په‌نای پێگیراوه‌ له‌ناڕه‌حه‌تیه‌كانی ڕۆژی دوایی .

هه‌روه‌ها دروستیشه‌ به‌هه‌ردوكیشیان سوێند بخورێت بۆ نمونه‌ بوترێت : ( أُقسِمُ بالرحمن أو بالرحيم أو بالجبار ) يان سوێند خواردن به‌ صیفه‌ته‌كانی وه‌ ( أقسم بعزة الله تعالی ... ) .

به‌ڵام چه‌ند جیاوازیه‌كیشيان له‌نێواندا هه‌یه‌ گرنگترینیان ئه‌مانه‌ن:

 یه‌كه‌م : دروسته‌ به‌ناوه‌كانی خودا دوعا وپارِانه‌وه‌ بكرێت ودروستیشه‌ ووشه‌ی (عبد) بخه‌یته‌ پێشیانه‌وه‌، به‌ڵام له‌گه‌ڵ سیفه‌ته‌كانیدا ئه‌مانه‌ دروست نین، بۆ نموونه‌ دروسته‌ بڵێت: ( عبد الكریم ) به‌ڵام دروست نیه‌ بڵێیت ( عبد الكرم ) وه‌ دروسته‌ نزا وپارِانه‌ بكه‌یت وبڵێیت: ( یا كریم ) به‌ڵام دروست نیه‌ بڵێیت : ( یا كرم ) .

 دووه‌م : ناوه‌كانی خوای گه‌وره‌ سیفه‌تیشیان لێوه‌ وه‌رده‌گیرێت وه‌ك (الرحمن) سیفه‌تی ( الرحمة) ی لێوه‌ وه‌رده‌گیرێت، به‌ڵام سیفه‌ته‌كانی خوای گه‌وره‌ ناوێكیان لێوه‌ وه‌رناگیرێت كه‌ له‌قورئان وسوننه‌تدا نه‌هــاتبێت، وه‌ك سیفه‌تی ( الاستواء ) ناوی ( المستوی ) لێوه‌ وه‌رناگیرێت .

 سێهه‌م : كرداره‌كانی خوای گه‌وره‌ ناوێكیان لێوه‌ وه‌رناگیرێت كه‌ له‌قورئان وسوننه‌تدا نه‌هاتبێت، وه‌ك كرداری ( الغضب ) ناوترێت یه‌كێك له‌ ناوه‌كانی خوای گه‌وره‌ (الغاضب) ه‌، به‌ڵام سیفه‌ته‌كانی خوای گه‌وره‌ له‌كرداره‌كانیه‌وه‌ وه‌رده‌گیرێت، وه‌ك سیفه‌تی ( الغضب ) بۆ خوای گه‌وره‌ برِیار ده‌ده‌ین، چونكه‌ ( الغضب ) له‌ كرده‌وه‌كانی خوای گه‌وره‌یه‌ .

خوای گه‌وره‌ له‌هه‌موو كه‌س شاره‌زاتره‌

بابه‌ته‌ په‌یوه‌ندیه‌داره‌كان ( 3 )
Go to the Top