بۆ ئه‌وه‌ی ببیته‌سه‌رمه‌شقێكی چاك
كارتی بابه‌ت 
بۆ ئه‌وه‌ی ببیته‌سه‌رمه‌شقێكی چاك
ئاینی پیرۆزی ئیسلام ئاینی سه‌رمه‌شقه گه‌وره‌كانه، وه‌گه‌وره‌ترین سه‌رمه‌شق له‌ئیسلامدا بریتین له‌پێغه‌مبه‌ران ـ علیهم السلام ـ وه‌له‌سه‌روی هه‌مویانه‌وه‌پێغه‌مبه‌ری خۆشه‌ویستمان موحه‌مه‌د صلى الله عليه وسلم، خوای گه‌وره‌ده‌فه‌رموێت: { لَقَدْ جَاءَكُمْ رَسُولٌ مِنْ أَنْفُسِكُمْ عَزِيزٌ عَلَيْهِ مَا عَنِتُّمْ حَرِيصٌ عَلَيْكُمْ بِالْمُؤْمِنِينَ رَءُوفٌ رَحِيمٌ } [ سُورَةُ التَّوْبِةِ : 128 ] .. ، پاشان هاوڵه‌كانی ـ خوای گه‌وره‌لێیان رازی بێت ـ و، شوێنكه‌وتوانیان به‌چاكه.
بۆچی سه‌رمه‌شقی چاك:
گرنگی بوونی سه‌رمه‌شقی چاك له‌به‌ر ئه‌م چه‌ند خاڵه‌یه:
یه‌كه‌م: په‌یدا بوونی زۆرێك له‌سه‌رمه‌شقی خراپ؛وه‌ئه‌م دیارده‌یه‌روون و ئاشكرایه‌له‌واقیعدا، ئه‌گه‌ر ته‌ماشای وه‌زعی گه‌نجان بكه‌ین ده‌بینین كه‌وا هه‌ندێكیان یارچێكیان كردوه‌به‌سه‌رمه‌شقی خۆیان، وه‌هه‌ندێ تریان گۆرانی بێژێكیان كردوه‌به‌سه‌رمه‌شقی خۆیان...
به‌ڵام ئێمه‌ی موسڵمان ئه‌بێ بزانین كێ سه‌رمه‌شقمانه‌و، هه‌وڵی ئه‌وه‌بده‌ین كه‌سه‌رمه‌شقی چاك په‌یدا بكه‌ین، بۆ ئه‌وه‌ی بتوانن سه‌ركردایه‌تی كۆمه‌ڵگه‌بكه‌ن .
دووه‌م: سه‌رمه‌شقی‌چاك‌كه‌خاوه‌ن ڕه‌وشتی جوانه، قه‌ناعه‌ت به‌به‌رامبه‌ری خۆی ئه‌به‌خشێت بۆ ئه‌وه‌ی ڕه‌وشتی به‌ده‌سبهێنێت.
سییه‌م: ئاستی تێگه‌یشتنی خه‌ڵكی جیاوازه، به‌ڵام یه‌كسانن له‌بینینی به‌رامبه‌ر به‌چاو.
تایبه‌تمه‌ندیه‌كانی سه‌رمه‌شقی چاك:
یه‌كه‌م: نیاز پاكی: ده‌بێت مه‌به‌ستی موسڵمان له‌ئه‌نجامدانی قسه‌و كردوه‌ته‌نها خوای گه‌وره‌بێت و، بگات به‌ماڵی ڕێزداری.
دووه‌م: كرده‌وه‌ی چاك به‌پێی مه‌نهه‌جی شوێنكه‌وتن: ئه‌و كه‌سه‌نابێته‌سه‌رمه‌شقێكی چاك كه‌وا كرده‌وه‌كانی به‌پێچه‌وانه‌ی سوننه‌تی پێغه‌مبه‌ری خوایه‌ى الله عليه وسلم، وه‌ئه‌و كه‌سه‌ی بیدعه‌ده‌كات له‌ئاینی خوا‌نابێته‌سه‌رمه‌شقی چاك ، وه‌هه‌روه‌ها ئه‌و كه‌سه‌ی به‌ئاشكرا تاوان ئه‌نجام ئه‌دات نابێته‌سه‌رمه‌شقی چاك.
سییه‌م: ئاخاوتن و كردوه‌وه‌كو یه‌ك بن: ئه‌و كه‌سه‌ی كرده‌وه‌كانی به‌پێچه‌وانه‌ی ئاخاوتنیه‌تی هه‌رگیز نابێته‌سه‌رمه‌شقی چاك، خوای گه‌وره‌ده‌فه‌رموێت: {يَا أَيُّهَا الَّذِينَ آَمَنُوا لِمَ تَقُولُونَ مَا لَا تَفْعَلُونَ }الصف2 .
چواره‌م: هیمه‌ت به‌رزی: سه‌رمه‌شقی چاك ده‌بێت ئه‌م خاڵه‌ی تێدا بێت، ده‌بێت هیمه‌تی به‌رزت بێت له‌ئه‌نجامدانی به‌ره‌ستشدا و، هیمه‌تی به‌رز بێت له‌وه‌ڕگرتنی زانستی شه‌رعیدا و، هیمه‌تی به‌رز بێت له‌بانگه‌وازكردندا ...
پێنجه‌م: خۆ ڕازاندنه‌وه‌به‌ڕه‌وشتی جوان: سه‌رمه‌شقی چاك ده‌بێت ڕه‌وشتی به‌رزی هه‌بێت، وه‌كو ڕه‌وشتی به‌زه‌یی و خۆڕاگری و ڕاستگۆیی و زیره‌كی و لێزانین و دادپه‌روه‌ری ...
له‌كۆتاییدا داواكارم له‌خوای گه‌وره‌بمان كاته‌سه‌رمه‌شقێكی چاك له‌دونیادا.
وصلى الله وسلم على نبينا محمد وعلى آله وصحبه أجمعين
سه‌رچاوه:به ده‌سكاریه‌وه ته‌مااشای وتاری دكتۆر/ موحه‌مه‌د عه‌دنان السمان بكه له ژێر ناونیشانی ( حتى تكون قدوة حسنة ) له ماڵپه‌ری //saaid.net/aldawah/410.htm
