حوكمي ئيثار كردن له‌ عیباده‌تدا

فه‌تواكان كارتی بابه‌ت
ناونیشان: حوكمي ئيثار كردن له‌ عیباده‌تدا
زمان: كوردی سوراني
موفتی: شێخ موحه‌مه‌د ساڵح العثیمین
وه‌رگێڕان: عه‌بدولسه‌لام موحه‌مه‌د پشده‌ری
پێداچوونه‌وه‌: پشتیوان سابیر عه‌زیز
له‌ بڵاوكراوه‌كان: پێگه‌ی ئه‌لئیسلام پرسیار و وه‌ڵام www.islamqa.info
پوخته‌یه‌ك: پرسیارێكه له‌ لایه‌ن شێخ ابن عثیمین ـ ڕه‌حمه‌تی خوای لێ بێت ـ وه‌ڵامی دراوه‌ته‌وه‌، وه‌ ناوه‌ڕۆكی پرسیاره‌كه‌ ئه‌مه‌یه‌:" ئایا حوكمی ئیثار كرد له‌ عیباده‌ت و كاره‌ خێره‌كاندا چیه ‌؟ وه‌ك ئه‌وه‌ی كه‌سێكی زانا یان باوكم پێش بخه‌م وجێگاكه‌ی خۆمی بده‌مێ له‌ڕیزی پێشه‌وه‌ی مزگه‌وت بۆ نوێژ كردن، بۆ نمونه‌ ئه‌گه‌ر من له‌ڕیزی یه‌كه‌م بووم باوكم یان كه‌سێكی زانا وخاوه‌ن عیلم له‌ریزی دووه‌م بوون، ئایا مه‌شروعه‌ كه‌ من جێگاكه‌ی خۆمیان بده‌مێ وخۆم بچمه‌ ریزی دووه‌م ؟ یان كارێكی له‌و شێوه‌یه‌ مه‌كروهه‌ ؟ یان ده‌چێته‌ ریزی كاره‌ موباح و ڕیگه‌ پێدراوه‌كانه‌وه‌ ؟ خوای گه‌وره‌ پاداشتی خێرتان بداته‌وه‌؟‌".
مێژوی زیادكردن: 2010-01-31
لینكی كورتكراو: http://IslamHouse.com/268292
ئه‌م ناونیشانه‌ پۆلێن كراوه‌ به‌ شێوه‌یه‌كی بابه‌تیانه‌ له‌ چوارچێوه‌ی ئه‌م پۆلێنانه‌
ئه‌م كارته‌ وه‌رگێڕاوه‌ به‌م زمانه‌: عه‌ره‌بی
پوخته‌یه‌كی فراوان

 

حوكمي ئيثار كردن له‌ عیباده‌تدا

 

 

ئه‌م پرسیاره‌ ئاراسته‌ی سه‌ماحه‌تی شێخ محمد بن صالح العثیمین ( ڕه‌حمه‌تی خوای لێ بێت ) كرا .

پرسیار : ئایا حوكمی ئیثار كرد له‌ عیباده‌ت و كاره‌ خێره‌كاندا چیه ‌؟ وه‌ك ئه‌وه‌ی كه‌سێكی زانا یان باوكم پێش بخه‌م وجێگاكه‌ی خۆمی بده‌مێ له‌ڕیزی پێشه‌وه‌ی مزگه‌وت بۆ نوێژ كردن، بۆ نمونه‌ ئه‌گه‌ر من له‌ڕیزی یه‌كه‌م بووم باوكم یان كه‌سێكی زانا وخاوه‌ن عیلم له‌ریزی دووه‌م بوون،  ئایا مه‌شروعه‌ كه‌ من جێگاكه‌ی خۆمیان بده‌مێ وخۆم بچمه‌ ریزی دووه‌م ؟ یان كارێكی له‌و شێوه‌یه‌ مه‌كروهه‌ ؟ یان ده‌چێته‌ ریزی كاره‌ موباح و ڕیگه‌ پێدراوه‌كانه‌وه‌ ؟ خوای گه‌وره‌ پاداشتی خێرتان بداته‌وه‌ .

وه‌ڵامی شێخ عثیمین ( ڕه‌حمه‌تی خوای لێ بێت ) :  سوپاس ستایش بۆ خوای گه‌وره،‌ درود وره‌حمه‌ت بۆ سه‌ر گیانی محمد المصطفی وئال وبه‌یت و هاوه‌ڵانی :

ئیثار كردن له‌م كاره‌ خێرانه‌دا دوو جۆره‌ :

جۆری یه‌كه‌م : ئیثار كردن له‌ واجباتدا ( واته‌ ئه‌و كارانه‌ی كه‌ واجبه‌ له‌سه‌ر مرۆڤی باوه‌ڕدار ) ئه‌مه‌ به‌هیچ شێویه‌ك دروست نیه‌ ئیثاری تێدا بكه‌یت و وازی لێ بهێنیت بۆ كه‌سێكی تر، وه‌ك ئه‌وه‌ی كه‌سێك هێنده‌ ئاوی پێ بێت كه‌ به‌شی یه‌ك ده‌ست نوێژ بكات بۆ نوێژێكی فه‌رزی خۆی، له‌كاتێكدا خۆی ده‌ست نوێژی نه‌بێت ئه‌و نوێژه‌ فه‌رزه‌ی پێوه‌ بكات دروست نیه‌ ئاوه‌كه‌ی خۆی بدات به‌ كه‌سێكی تر ده‌ست نوێژی پی بگرێت، له‌به‌ر ئه‌وه‌ی به‌م كاره‌ی واجبێكی واز لێهێنا، ئیثار كردنیش له‌ واجباتدا حه‌رامه‌ .

جۆری دووه‌م : ئیثار كردن به‌ شته‌ سوننه‌ت و موسته‌حه‌به‌كان : كه‌ ئه‌صل وایه‌ نه‌كریت، ته‌نانه‌ت هه‌ندێك له‌زانایان ووتویانه‌ مه‌كروهه‌ ئیثار كردن له‌ موسته‌حه‌باتدا، چونكه‌ ئیثار كردنی به‌ عیباده‌تێكی موسته‌حه‌ب كه‌ مرۆڤی پێ نزیك ده‌بێته‌وه‌ له‌خوای گه‌وره‌ به‌ڵگه‌یه‌ له‌سه‌ر ئه‌وه‌ی ئه‌و كه‌سه‌ وا ده‌رده‌خات كه‌ پێویستی به‌و عیباده‌ت و په‌رستشه‌ نیه‌، له‌به‌ر ئه‌وه‌ صه‌حیح و ڕاستر ئه‌وه‌یه‌ كه‌ ئه‌و ئیثاره‌ نه‌كرێت، به‌ڵام ئه‌گه‌ر هاتوو به‌رژوه‌ندی و مه‌صلحه‌ت وای پێویست ده‌كرد قه‌یدی ناكات ئه‌و ئیثاره‌ بكرێت، وه‌ك ئه‌وه‌ی كه‌سێك باوكی له‌ڕێزی دووه‌می نوێژ بوو خۆیشی له‌ ڕیزی یه‌كه‌م بوو، وه‌ ئه‌م كوڕه‌ ده‌یزانی له‌م حاڵه‌ته‌دا ئه‌گه‌ر باوكی نه‌خاته‌ شوێنه‌كه‌ی خۆی شتێكی له‌دڵدا دروست ده‌بێت وعاجز ده‌بیت لێی، لێره‌دا ئه‌ڵیین باشتر وچاكتر وایه‌ كه‌ باوكت بخه‌یته‌ جێگاكه‌ی خۆت و خۆیشت بێیته‌ دواوه‌، به‌ڵام ئه‌گه‌ر باوكت له‌و كه‌سه‌ تیگه‌یشتووانه‌ بوو كه‌ ئه‌و جۆره‌ هه‌ڵوێستانه‌ كاری تێ نه‌ده‌كرد، ئه‌وه‌ باشتر وایه‌ تۆ له‌شوێنی خۆت بیت و باوكیشت له‌ڕیزی دووه‌م بێت، هه‌روه‌ها به‌هه‌مان شێوه‌ به‌ نسبه‌ت كه‌سێكی عالم و زاناشه‌وه‌ ، ئه‌گه‌ر ئه‌و كه‌سه‌ زانا پێی شتێكی ئاسایی بوو له‌ڕیزی دووه‌م بێت ئه‌وه‌ تۆ له‌ جیگای خۆت بمێنه‌وه‌، وه‌ ئه‌گه‌ر نا باشتر وایه‌ پێشی بخه‌یت و شوێنه‌كه‌ی خۆتی بده‌یتێ .

خوای گه‌وره‌ش له‌هه‌موو كه‌س زاناتره‌ .

والحمد لله رب العالمين ، وصلى الله وسلم على نبينا محمد وعلى آله وأصحابه ومن تبعهم بإحسانٍ إلى يوم الدين .

Go to the Top